sru:version: 1.2; sru:query: fcs.rf="mecmua.5_14"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.5_14"; sru:baseUrl: ; fcs:returnedRecords: 1; fcs:duration: PT0.029S PT0.033S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.5_14</phrase></query>)];

123 Hem‑daḫı vėrgil taṣadduq sen i yār
Şemseddīnüñ ṭut sözin cānıñ uyar

Şekl‑i s̱ālis̱ ʿaşara qāʾimedür

124 Ger gelürse zevc [ü] ferd [ü] ferd [ü] ferd
Qāʾime dėrler aña ey ehl‑i merd

125 Qāyim ol kim qāʾime saʿddur i yār
Her işüñde devletüñ saña uyar

126 Ṭāliʿüñ çün Zühredir ḫoş olasın
Düni gün hem ḫoşluġ‑ile olasın

127 Hem be‑ġāyet yaḫşı‑durur her işiñ
ʿAvn olısar saña yoldaşıñ eşiñ

128 Daḫı gelür ġāyibüñ çoq rızq‑ile
Altun aqça dört ayaqlu var bile

129 Ululardan çoq seʿādet bulasın
Ṣıḥḥat‑ile rūz [u] şeb ḫoş olasın

130 Hem yeñi qaftān geyesin ey dilīr
Ululardan saña olur dest‑gīr

131 Ḫastañ olsa ṣaġlıġuñ ola ḫuṣūl [!]
Dilegiñ hem küllĭsi oldı qabūl

132 Cumʿaya dek her murăd ḥāṣıl ola
Ger seferde kimse olsa tĭz gele

133 Ḫāṭıruñı dāʾimā şād ėdesin
Şemseddīni ḫayr‑ile yād ėdesin

Şekl‑i rābiʿ ʿaşara naqīyü l‑ḫaddür

Right margin, transversely:

qāʾime saʿd dāḫildür ve seʿādet evidür ṣāḥibi // ġammdan ve ġuṣṣadan āzād ola ve ḥasretler yine buluşub // cemīʿī murādātı ḥāṣıl ola ġāyet‑ile aʿlā ve aḥsendür // bi‑iẕni llāhi taʿālā

naqīʾü l‑ḫadd naḥs münqalıbdur şerri // ḫayrından ziyādedür terki olubdur // ġaflet olunmaya